sophie turner

متحدہ عرب امارات میں سڑکوں پر ماسک اور گلوز پھینکنے پر 1 ہزار درہم کا جرمانہ ہو گا.......

ڈرائیورز پر اس خلاف ورزی کی صورت میں 6 بلیک پوائنٹس کا انداراج بھی ہو گ......

ابوظبی2020 ء) ابوظبی پولیس کی جانب سے خبردار کیا گیا ہے کہ جو افراد اپنے زیر استعمال ماسک اور گلوز مناسب جگہ ٹھکانے لگانے کی بجائے سڑکوں پر پھینک دیں گے، انہیں 1 ہزار درہم کا جرمانہ بھرنا ہوگا۔ ڈرائیورز کی جانب سے اس خلاف ورزی کی صورت میں ان پر جرمانے کے علاوہ 6 بلیک پوائنٹس بطور سزا عائد کیے جائیں گے۔

ابوظبی پولیس کی جانب سے اپنے سوشل میڈیا پلیٹ فارمز کے ذریعے آگاہ کیا گیا ہے کہ کورونا کی موجودہ خوفناک صورت حال میں اپنے زیر استعمال ماسک اور گلوز کو سڑک پر پھینک دینا انتہائی غیر مہذب اور غیر ذمہ دارانہ رویہ ہے، جس سے لوگوں کی زندگی اور صحت کو خطرات لاحق ہو سکتے ہیں، کیونکہ اگر ماسک پھینکنے والا شخص کورونا سے متاثر ہو، تو ایسی صورت میں مزید افراد میں بھی یہ موذی مرض پھیل سکتا ہے۔

صحت کے عالمی اداروں کی جانب سے بھی تاکید کی جا رہی ہے کہ کورونا کے پھیلاؤ کو روکنے کی خاطر اپنے زیر ااستعمال فیس ماسک اور گلوز کو پہلے کسی پلاسٹک بیگ میں ڈالیں، پھر اس کے بعد اسے ڈسٹ بن میں پھینکیں۔ ماسک کا استعمال کرنے کے بعد اپنے ہاتھوں کو ضرور دھونا چاہیے۔متحدہ عرب امارات میں مقیم تمام افراد کو کورونا کی روک تھام کے لیے ذمہ داری کا رویہ اپنانا ہو گا، مقامی اور تارکین وطن کے تعاون اور احساس ذمہ داری کے بغیر اس مہلک وبا سے بچاؤ ممکن نہیں ہے۔

اسی وجہ سے اماراتی فیڈرل ٹریفک لاء کے تحت سڑکوں پر گلوز اور ماسک پھینکنے والے افراد کے خلاف ایک ہزار درہم جرمانے اور6 بلیک پوائنٹس کی سزا کا اعلان کیا گیا ہے۔ وزارت صحت کی ترجمان ڈاکٹر فریدہ الحسینی نے سزا کا اعلان کرتے ہوئے کہا کہ امارات میں مقیم لوگوں کی بڑی اکثریت اپنے زیر استعمال ماسک محفوظ طریقے سے ٹھکانے نہیں لگا رہی، جس کی وجہ سے کورونا وائرس مزید پھیلنے کا خدشہ ہے۔

اکثر لوگ چلتی گاڑیوں سے بھی ماسک پھینک دیتے ہیں۔ اس طرح کا غیر مہذب رویہ کسی طور قابل قبول نہیں ہے، اسی وجہ سے سزاؤں کا اعلان کیا گیا ہے، ہم سب کو مل کر کورونا کے خلاف بھرپور لڑائی لڑنی ہے۔ لوگوں کو چاہیے کہ وہ ماسک کو کسی پلاسٹک کے لفافے میں ڈال کر پھر ڈسٹ بن میں پھینکیں تاکہ جراثیم

پھیلنے کا خطرہ ٹل جائے